A Moda Dabaixo, fundada no ano 1896

Centro Comercial Urbano Zona Monumental Pontevedra

O Centro Comercial Urbano Zona Monumental é unha área comercial aberta que discorre polas rúas e prazas do casco histórico de Pontevedra, considerado un dos máis valiosos do norte de España e Portugal,  a xulgar pola súa riqueza arquitectónica, amplitude de espazos e vitalidade.

Un grupo de comerciantes crean, no ano 1989, a Asociación Área Comercial Zona Monumental coa finalidade de impulsar cambios importantes na atención ao cliente e xestión do seus establecementos, entre os que incluían a dinamización das rúas, maila recuperación da vida social das prazas e rúas do casco histórico. O seu liderazgo, o seu programa de actividades culturais, o seu empeño construtivo e a súa capacidade de liderar melloras no sector comercial sentaron as bases dunha revitalización económico-comercial que devolveu ao casco histórico de Pontevedra o seu papel na historia: paso obrigado de rutas comerciais, como o camiño portugués, a Ruta Xacobea-Portuguesa cara a Santiago de Compostela e por desenvolver actividades gremiais que deron nome a prazas e rúas que aínda hoxe en día mateñen.

No ano 2003, grazas a axuda da Consellería de Industria e Comercio, procedeuse á transformación en Centro Comercial Urbano Zona Monumental, que está constituído polos establecementos dedicados ao comercio, hostalería, ocio, servizos e profesionais sitos nas rúas do casco histórico que, voluntariamente, deciden formar parte desta entidade que supón o seu agrupamento baixo unha imaxe común propia permanente  e xestión estratéxica profesional compartida.

O éxito desta iniciativa de dinamización económica, cultural e social do casco histórico radica na capacidade de combinar e aproveitar sinerxías derivadas de: tradición comercial, asociacionismo, imaxe propia, xestión profesional común e estratexia propia de futuro.

Para ofrecer ao consumidor: facilidades, entretemento, trato personalizado, variedade, especialización, e moito máis. 

Miguel A.Lago Rey (Presidente CCU)

Mónica Tomé Cochón (Xerente CCU)

Páxina web: http://www.ccuzonamonumental.es/

Facebook: https://es-la.facebook.com/zonamonumental?group_id=0?

A Moda Dabaixo, fundada no ano 1896

A Moda Dabaixo foi fundada en 1896, na rúa dos Soportais da Herrería de Pontevedra e a actividade do comercio sempre foi a venda de roupa interior de cabaleiro, batas, paraugas, camisas, chapeus maletas e baúis.

Como existían dous locais moi próximos un arriba e outro abaixo. Segundo a súa situación respecto da Praza da Herrería, rexentados polos irmáns González García, as persoas coñecían como A Moda de Arriba, e A Moda dá Baixo, de aí o nome do establecemento que se mantén até agora.

Carlos Antonio Díaz González e Rosa Díaz Prados

O que iniciou o negocio familiar foi Don Dalmiro González García e o seu neto Carlos Antonio Díaz González, que é o actual titular, desde o ano 1970, axudado nestes momentos pola súa filla Rosa Díaz Prados, polo que é de esperar unha continuidade no futuro.

O comercio chegou a ter tres empregados que se foron xubilando ao longo dos anos, o último José Luís Filgueira  de Veiga, quen o fixo cunha antigüidade de cincuenta e un anos.

Fachada actual do establecemento

Actualmente é un negocio familiar, sen empregados, que mantén  a actividade de venda de roupa interior de cabaleiro, batas, paraugas , camisas, boinas, chapeu, pero aumentouse a venda en bandeiras, xoguetes de colección, coches, avións, trens eléctricos, etc e procurou adaptarse aos novos tempos mediante a utilización das novas tecnoloxías, como son o posuír terminal de punto de venda, correo electrónico e paxina web.

Sempre foi e segue sendo, a base e o espírito do comercio  atender ao cliente dunha forma persoal e directa, aconsellándolle sobre o artigo solicitado, informándolle da actividade do mesmo, procurouse manter artigos tradicionais e en suma prestar un bo servizo.

Páxina web: http://www.amodadabaixo.com/

Mercería Carrera, inicia a súa actividade en Arteixo no ano 1978

Arteixo Centro Comercial Aberto

Arteixo Centro Comercial Aberto nace no ano 2009 co obxectivo de traballar pola dinamización das rúas e o comercio de Arteixo. Este CCA xurdiu da unión das xa extintas  Asociación de Comerciantes de Arteixo, e da Asociación de Hostaleiros de Arteixo, co obxectivo de traballar pola dinamización das rúas e o comercio local.

Arteixo CCA serve de plataforma ós comerciantes, hostaleiros e profesionais de Arteixo, convencidos de que xuntar forzas a través da súa unión é o xeito de lograr un pobo máis sostible e dinámico, necesidade fundamental para o  correcto desenvolvemento das súas actividades comerciais e profesionais.

Representando a cerca de 100 establecementos (información dada polo CCA) do núcleo de Arteixo o CCA convértese nun elemento sempre presente na vida do pobo, sendo recoñecido entre os veciños como unha importante estrutura dinamizadora.

Conscientes da necesidade de traballar por un Arteixo mellor para todos o CCA proxecta a súa programación cara iniciativas locais destinadas a conseguir unha globalidade mellor, máis sostible, máis ecolóxica e responsable, onde o progreso está baseado na cultura, a tradición e a sostenibilidade.

Tendo sempre presente a formación e a implantación de novas tecnoloxías téntase maximizar as posibilidades do desenvolvemento individual de cada un dos asociados, que presentan en conxunto un comercio forte, moderno e cualificado para atender os máis exixentes retos.

A innovación  no deseño das súas campañas é unha meta perseguida no traballo do CCA, xa que mediante a orixinalidade das campañas conséguemos atraer a curiosidade dos veciños e visitantes, facendo máis fácil a súa participación.

Convencidos de que  a unión das súas forzas é o xeito de mellorar nos seus negocios, os asociados a Arteixo CCA deseñan e crean estruturas que maximicen o poder da súa unión, potenciando o  desenvolvemento individual de cada un dos asociados. 

A pequena empresa, as pymes, os autónomos, son pezas básicas para un bo desenvolvemento do tecido industrial e económico de Arteixo, que por outro lado vai da man co lado máis social e humano, coa calidade de vida dos nosos  veciños, xa que é a pequena empresa a que fomenta a creación de postos de traballo estables.

Luis Angel Espiñeira (Presidente CCA)
Teresa Gutiérrez (Xerente CCA)

Establecer convenios de colaboración con empresas que melloren a capacidade competitiva dos asociados é parte das accións  a desenvolver  neste ámbito de estruturas de refortalecemento comercial.A formación, a innovación, e  a implantación de novas tecnoloxías seguen sendo os piares que manteñen estas estruturas.

Páxina web: http://www.ccaarteixo.com/

Mercería Carrera, inicia a súa actividade en Arteixo no ano 1978

O negocio tal e como hoxe o coñecemos abriu as súas portas en Arteixo o 20 de Xuño de 1978, pero para coñecelo en profundidade, a súa historia e traxectoria máis persoal deberemos remontarnos moitos anos atrás, a época dos bisavós e tataravós da actual propietaria Susana, tamén deberemos cambiar de ubicación xeográfica, xa que o comezo desta historia contase en A

Susana Carrera en Mercería Carrera

Graña, Concello de Covelo, Pontevedra. Foi alí onde os antepasados de Susana, actual propietaria, comezaron coa venta de xénero de forma ambulante. Para o transporte destes produtos utilizaban o que eles denominaban “fardos” que era unha tela, na cal dunha forma ordenada colocábanse as sabanas, colchas, cobertores e calcetíns, unha vez preparado homes e mulleres, elas na cabeza ou eles nas costas axudados por unha vara ou bastón botábanse a camiñar moitos kilometros diarios, por camiños con pendentes, case intransitables e incluso con neve ou choiva. 

Ademais do fardo tamén levaban estes homes e mulleres unha manta coa que se abrigaban mentres durmían nas casas, cortellos ou o cobizo onde puideran pasar as noites. Nalgúns destes viaxes comerciais tamén utilizaban mulas para o transporte das mercancías. 

Pasan os anos e a familia de Mercedes, os seus avós concretamente mudan de residencia trasladando tamén a ruta do seu negocio, deixando atrás as aldeas de Pontevedra comezan unha nova etapa en Arteixo, comezando a vender do mesmo xeito ambulante polos pobos e lugares cercanos como é o caso de Lañas, Rañobre, Caión, Baldaio e moitos outros dos arredores de Arteixo. 

Como anteriormente tamén en Arteixo usaban o “fardo” e a mula para carrexar as mercancías. Despois de varios anos vendendo polos pobos arteixans os avós de Mercedes adquiriron o nome dos “Paneiros” a causa das súas visitas as casas e fogares  vendendo telas e panos. 

O negocio familiar segue pasando de xeración en xeración e deste xeito chegamos a Luís, pai de Mercedes e figura importantísima nesta historia por ser o fundador do que hoxe coñecemos en Arteixo como “Mercería Carrera” pero xa Luís antes de abrir o negocio acompañaba os seus pais na venda de tecidos de pobo en pobo, resaltar que nesta época tamén vendían na casa dos Carrera a coñecidos que ali se achegaban. 

Despois de varios anos de carácter ambulante o negocio transformase no 1978, e nese ano cando Luís Carrera decidiu abrir as portas dun establecemento onde se venderían as mesmas mercancías que anos atrás vendía como ambulante. Aínda que pasaron os anos, e Luís deixou de ir polo pobos, seguiu sendo coñecido como “O Paneiro” e as xentes dos arredores seguían mercando nesta empresa familiar, iso si esta vez no local situado nos Baños de Arteixo, actual Ría de Ferrol. 

Imaxe de Mercería Carrera

A apertura do local tamén serviu para ampliar o abanico de produtos a ofertar, ademais da roupa de fogar dos comezos, tamén incorporáronse outros como pixamas ou roupa interior, uns anos máis tarde tamén vendían saias para as mulleres e pantalóns, xerseis e camisas tanto para os homes como para as mulleres. 

Seguen pasando os anos e chégalle a Luís a hora de xubilarse, e nese momento cando a súa filla Susana pasa a ocupar o relevo xeneracional e faise cargo do negocio.  Hoxe en día, e en palabras de Susana “ a pesares da crise seguimos abertos porque aínda que hai menos vendas que outros anos o local e noso, non pagamos renda nin temos gastos moi avultados “ “Aos nosos clientes ofrecémoslle roupa de boa calidade e a confianza de que se teñen algún problema coa roupa poderan arranxalo asi como a oportunidade de elixir en catalogo diferentes tipos de produtos, como por exemplo un edredón en concreto ou unha colcha”. Na actualidade Mercería Carrera vende tanto roupa de fogar como interior e de vestir. “En todos estes anos o negocio sufriu reformas tanto no exterior como no interior, pero a pesares de todo o tempo e os cambios o que máis valoran na “Mercería Carrera” dos seus clientes “é a confianza de seguir mercando neste establecemento”.