Librerías Couceiro: do pequeno quiosco á inundación máxica das palabras.

A Librería Couceiro enmarcase coa historia comercial da Coruña máis recente estando presente na zona do Distrito Mallos.

Distrito Os Mallos: da historia do ferrocarril á luminaria solar.

No ano 1994, os responsables da Asociación de ComerciantesMallos-Estación que tiña como logotipo unha máquina antiga de tren, e que ata esa data se preocupaban de representar aos Mallos nas reunións da Federación de Asociacións de Comerciantes e Autónomos, e noutros organismos, cando eran citados, pedíronnos que lles tomásemos o relevo, e intentásemos a Asociación, que naquel momento non cobraba mensualidades aos asociados, nin tiña listados.

Durante un tempo estudamos a problemática da zona, da man do entón Presidente dos Veciños de Os Mallos, José Folgueira, e empurrados por el e dirixidos por José Salgado, un grupo de comerciantes e profesionais, acordamos refundar a Asociación, comezando de cero, con logotipo novo e afiliación de asociados.

En 1996, asinouse a acta fundacional. Os socios fundadores foron: Carlos Monteagudo, Antonio Larrosa, Alberto Rascón, Manuel Vidal eJosé Salgado.

Os socios fundadores traballaron como Xunta Xestora os catro primeiros anos, co obxectivo de: afiliar asociados, crear un novo logo, estatutos, establecer a sede, etc. e no ano 2001 celebrouse a primeira Asemblea da que saíu elixida a primeira Xunta que presidiu José Salgado e estaba formada por: Carlos Monteagudo, Isabel Castro, Manuel Vázquez, Noelia Anta, Francisco Pérez, Antonio Larrosa e Begoña Botana.

No ano 2004, noméase a segunda Xunta, pola Asemblea, tamén presidida por José Salgado e cos compoñentes: Carlos Monteagudo,Isabel Castro, Francisco Pérez, Antonio Larrosa, Manuel Vidal, Pedro Hermida, Alberto Rascón.

Nestes anos distinguíronse como socios de Honra, e ofrecéuselles unha merecida homenaxe a: D. Carlos Monteagudo (Vicepresidente da Asociación) e a D. José Folgueira (Presidente da Federación de Veciños).

Realizacións da Asociación:

• Publicación dun xornal con 10.000 exemplares de tirada mensual, que xa cumpriu os seus 14 anos.
• Alcanzar, segundo datos da asociación, en torno aos 200 asociados.
• Ofrecer aos asociados a consulta gratuíta en tres despachos de avogados.
• Conseguir dar a coñecer, como marca de prestixio e seriedade, o logotipo da Asociación, "O Sol-Riente".
• Conseguir que todos os Asociados mostren nos seus establecementos unha placa identificativa co noso logo.
• Realizar polo menos dúas campañas anuais de fidelización do cliente.
• Ofrecer todo o Nadal un número enteiro da lotaría de Nadal, en participacións que esparexen o noso logo, por toda Coruña e fóra dela. Ao mesmo tempo que entregamos 3000 calendarios (co logo visible da Asociación e da Xunta de Galicia) como regalo aos clientes.
• Lograr unha colaboración co Concello da Coruña, que axudou de forma notable, na mellora do Barrio de Los Mallos e na formación dos comerciantes, con cursos e informacións.
• Realización da páxina Web www.distritomallos.net
• Colocación de grandes carteis publicitarios co noso logo, na Rolda de Outeiro (a rúa con máis tráfico de vehículos Da coruña)
• Pertencer á Federación de Comercio de Galicia.
• Pertencer ao sistema de Arbitraxe do consumo.
• Crear a tarxeta do Cliente Amigo, que se utilizará para fidelizar aos clientes, mediante regalos, rebaixas, promocións...
• Colaboración coa Xunta de Galicia e crear dentro da Asociación e coas rúas máis importantes do barrio o CCU Distrito Mallos.
• Entregar co obxecto de fidelizar aos clientes cheques-regalo todos os meses. Premiando os clientes que máis compraron nos comercios asociados.

Dimensións xeográficas

A Asociación está situada no barrio de Los Mallos Da coruña. Comprendendo dende a Rolda de Nelle ao Agra de los Mallos; e dende a Avenida de Arteixo ata Joaquín Planeéis e Viaduto de Xeneralísimo.

Páxina web: CCA Distrito Mallos

Librerías Couceiro: do pequeno quiosco á inundación máxica das palabras.

Consolo López e Manuel Couceiro, fundadores.

No ano 1962 Manuel Couceiro e Consolo López decidiron fundar unha librería na cidade da Coruña, concretamente, no barrio do Distrito Mallos, na Ronda do Outeiro, número 125. A idea inicial era dedicar se á venda de xornais, revistes e papelería cun pequeno fondo Xeral de libros. Co paso do tempo foron quen de aumentando a súa oferta, incluíndo selado de quinielas e máis tarde especializándose en libros de texto, actividade na que hoxe en día seguen sendo o primeiro referente na cidade.

Segundo establecemento Couceiro.

En 1990, inaugurouse o segundo dos seus establecementos, situado en Rolda do Outeiro 132, tamén no Distrito Mallos. Este local conta con 200 metros cadradtos repartidos en dúas plantas, nas que se pode encontrar todo tipo de libros, dende literatura infantil ata áreas específicas de coñecemento: dereito, informática, empresas, económicas, etc. Xunto coas últimas novidades editoriais.

En 1998 continúan coa súa liña de expansión, decidindo abrir as portas dun novo espazo dedicado as palabras, esta vez na zona das Conchiñas.( Rolda de Outeiro 248). Ao igual que os anteriores, segue sendo unha libraría cun amplo fondo xeral, que dispón de todas as áreas de coñecemento e das novidades editoriais do momento.

Así mesmo, contan coa presenza na rede a través da súa páxina web www.couceirolibrerias.com

Na actualidade, seguen á fronte dos seus negocios coa axuda das súas fillas Begoña e Sandra.

O desexo das Librerías Couceiro radica en dar un servizo de calidade aos seus clientes, esforzándose día tras día en dispoñer de todas as novidades do mercado, e en conseguir calquera libro que o cliente solicite.

Joyerías Amor: unha maridaxe entre a tradición e a modernidade.

A primeira semana do ano 2013 vai dedicada á Joyería Amor. Comercio amparado baixo o Centro Comercial Obelisco. Un dos veteranos en Galicia.

CCA Zona Obelisco, o gran veterano en Galicia.

Identidad gráfica corpoativa de
Zona Obelisco

A Asociación Zona Obelisco atópase situada no maior centro de cultura, de ocio e de compras da cidade herculina. A gran cantidade de lugares de interese, así como poder ofrecer a maior e mellor oferta comercial e hostaleira da Coruña, fan que a visita á Zona Obelisco se converta nunha visita obrigada. 

A Asociación Zona Obelisco, foi creada no ano 1979 converténdose na primeira asociación de comerciantes de Galicia e nunha das primeira de España. Este Centro Comercial Aberto ten por obxectivo velar polos intereses profesionais dos comerciantes e empresarios que a forman xuntamente cos valores urbanísticos e culturais do centro tradicional da Coruña.

Viandantes na Zona
do Obelisco

O Centro Comercial Aberto leva a cabo gran diversidade de iniciativas e actuacións conxuntas así como a prestación dunha serie de servizos aos seus socios e socias co obxecto de ofrecerlles un apoio fundamental para o desenvolvemento da súa actividade.

Entre os distintos servizos que ofrece esta veterana Asociación cabe salientar a interlocución coas distintas Institucións públicas vinculadas co sector comercial: Concello, Deputación e Xunta de Galicia. A prestación de servizos adicionais como o de asesoramento, recepción de ofertas para os seus asociados e as continuas campañas de promoción da zona, fan que a Zona Obelisco se vertebre como un eixe fundamental na área comercial, hostaleira e cultural da Coruña. 

Joyerías Amor: unha maridaxe entre a tradición e a modernidade.

Dende a prata con acibeche típica galega a porcelanas internacionais, a pezas de ouro realizadas nos seus obradoiros á última moda realizada en Italia,  ou mesmo pasando por reloxos deportivos e elegantes. Esta é unha pequena mostra do que Joyerías Amor poden ofrecer aos seus clientes. 

Joyerías Amor son sinónimo de ambición, emprendemento e bo traballo, pois os máis de 100 anos de experiencia avalan o éxito do relevo xeracional da familia Amor.

A Joyería Amor I  foi fundada en 1885 por Manuel Amor como un negocio dedicado á compra-venda e casa de cambio nun pequeno local da zona antiga da cidade sita no número 5 da rúa San Nicolás. 

Primeiro establecemento Amor

Daquela, A Coruña, era gran porto de emigración ás Américas. Proba disto son a cantidade e variedade de reliquias de moedas antigas tanto de ouro coma de prata que os visitantes, que ían e viñan nos barcos da época, deixaban no negocio de Manuel Amor. 

Xoiaría Helvettia

Co paso dos anos, o negocio vai prosperando e comezan a aparecer novas necesidades de reforma e ampliación: hai modificacións na fachada e comeza a denominarse como xoiaría de variedades. Pouco despois, xorde a posibilidade de mercar o local do número 7 e a primeira ampliación. 

Escaparate de Joyería Amor con manequín de Policía

As singularidades e as anécdotas nun negocio tan lonxevo son moitas. Así pois, a  afalta dun sistema de seguridade na época ocasionaron a rotura do cristal do escaparate. Como consecuencia disto, a creatividade e orixinalidade da familia Amor se traduciu na creación dun escaparate “especial” no que se instalou un manequín policía a modo de advertencia e escarnio. 

Segunda ampliación.

Tras anos de mantemento e boa xestión do negocio, tivo lugar o relevo xeracional con novas ideas, reformas e visións de negocio: era necesaria unha importante ampliación do local. Deste xeito, a Joyería Amor medra ao se anexionar aos baixos contiguos correspondentes ao número ao número 9. 

 

Xoiaría Helvetia

A expansión do negocio prosigue e en 1948 fúndase a xoiaría Helvetia, na Rúa Nova, 10. Helvetia naceu coa finalidade de complementar a Joyería Amor. Con posterioridade e a medida que ía madurando o proxecto empresarial, decidiuse mudar o aspecto desta xoiaría e diferenciarse outorgándolle un aire hollywoodense.

Fachada espectacular.

En 1962 amplíase a xoiaría co local contiguo acadando unha gran visibilidade: agora o negocio fai esquina. Deste xeito, o establecemento comercial gaña en dimensións e en visibilidade. Esta ampliación trouxo consigo unha reforma importante de toda a fachada exterior co obxectivo de deixar patente un novo estilo diferenciador. 

Xoiaría Anttur.

A idea de negocio segue adiante e, en 1965 inaugúrase a Joyería Anttur no número 1 da rúa San Nicolás.

Coa chegada da cuarta xeración, a Joyería Amor, sofre disintas modificacións na súa imaxe e Anttur pasa a denominarse Love Joya Joven, cun cambio radical de imaxe e concepto.  

Os veciños ante o suceso.

As malas sorpresas achegáronse á xoiaría Helvetia cando un curtocircuíto ocasionou un incendio que, afortunadamente, non houbo que lamentar danos persoais. Se ben, entre o lume e a actuación do equipo de extinción de incendios, os danos materiais ocasionados foron de importancia. A tenacidade e a fortalece da familia Amor foron quen de superar este incidente como mera anécdota do pasado.

No 2001,  fíxose o último cambio na identidade corporativa de Joyería Amor renovando a imaxe xunto coa introdución das novas tecnoloxías.

Actualidade.

Paseniñamente, a familia Amor, foi quen de evolucionar e expadir un negocio que, nun principio só se proxectaba como un pequeno negocio local, abrindo novas portas á sociedade coruñesa ofrecendo, desde sempre, un asesoramento e atención ao cliente transmitida xeración tras xeración.

O Grupo Amor Joyeros, fan gala de presumir de non ter pechado nunca un establecemento a pesar das molestias aínda que iso encarecera ou ralentízase calquera obra.

Finalizamos esta reportaxe, transcribindo as palabras da filosofía Amor: “Os clientes sempre o primeiro”.

Páxina web do CCA: CCA Zona Obelisco
Páxina web do Grupo Amor: Grupo Amor Joyeros