Confecciones Isabel, as súas orixes comezaron polo ano 1950

Confecciones Isabel, foi crecendo co paso dos anos

Asociación de autónomos de comercio, hostalaría e industria de Tomiño - ADETO

A Asociación de Autónomos de Comercio, Hostalaría,Industria e de Centros Comerciais Abertos de Tomiño (ADETO) nace en decembro de 2005 como unha agrupación de empresarios de varios sectores que desenrolan a súa actividade no Concello de Tomiño.

En decembro de 2011, tralo acordo adoptado en asemblea xeral, procedeuse a dar de baixa á Asociación na Sección provincial de mediación, arbitraxe e conciliación de Vigo (SMAC) e constituíuse a Asociación de autónomos de comercio, hostalaría e industria de Tomiño regulada pola Lei orgánica 1/2002, de 22 de marzo, reguladora do dereito de asociacións, depositando a correspondente acta e Estatutos no rexistro de asociacións dependente da Xefatura Territorial da Consellería de Presidencia, Administracións Públicas e Xustiza da provincia de Pontevedra.

Atópanse entre os fins da Asociación:

• A defensa dos intereses empresariais dos membros asociados, ostentando así a súa representación.

• Servir de enlace entre os empresarios asociados.

• Organizar actividades de carácter asistencial e prestar servicios de asesoramento e información, a cargo de profesionais, ao servizo dos empresarios asociados.

• Recibir, estudar e clasificar os problemas que planteen os empresarios asociados e realizar as xestións para a súa solución.

• Calquer outro problema que poida xurdir e que esté dacordo e en consoancia cos principios que inspiran esta asociación.

Manuel Pérez Rivero (Presidente)

Dende os seus inicios a Xunta Directiva traballa por e para defender e fomentar a actividade empresarial desta zona, mantendo vivo o comercio local e desenvolvendo iniciativas para a súa potenciación, dinamización e mellora continua.

Entre as vantaxes que ofrecemos aos socios destacar:

• Convenios con entidades financieiras.

• Asesoramento e información.

• Accións formativas.

• Campañas comerciais ao longo de todo o ano.

Campaña Día da Nai

• Nadal

• Dia do Pai

• Día da Nai

• Distribución de bolsas e etiquetas de rebaixas.

• Publicidade conxunta en prensa escrita e radiofónica.

• Páxina web e directorio virtual.

• Sinalización comercial conxunta.

• Confección e Distribución de guías do comercio local.

A delimitación xeográfica correspondese co casco urbán de Tomiño, situado na Parroquia de o Seixo principalmente e presenta un grado de concentración comercial alto, con un predominio da oferta comercial especializada no equipamento persoal e do fogar.

Ademais en Tomiño contamos tamén ca parroquia de Goian, a cual ten unha importate vida comercial debido a alta concentración que existe de establecementos comerciais.

Os comercios adheridos son establecementos de distintos ámbitos sectoriais, destacando os seguintes sectores económicos e actividades: 

• Téxtil, calzado e complementos

• Alimentación e bebidas

• Hostalería, restauración

• Mobiliario e material de oficina

• Ocio, cultura e deportes

• Informática e electrónica

• Servizos para empresas

• Servizos sociais

• Construción e Inmobiliaria

• Medios de comunicación

• Saúde e beleza

Rubén Pérez (Xerente)

Páxina web: www.adeto.org

Confecciones Isabel, as súas orixes comezaron polo ano 1950

Fachada do antigo comercio

As orixes da tenda do téxtil de Confecciones Isabel comezou polo ano 1950, no que Don Alfredo Magna Gónzalez fíxose cargo deste negocio, despois de telo outra xente e por problemas económicos.

Don Alfredo Magna González que traballaba en Sevilla, no Hotel Cristina, decidiu poñer  a traballar a súa esposa e unha cuñada que foron elas as que se encargaron do negocio mentres él seguía en Sevilla uns anos máis.

Ao pasar os anos o negocio foi crecendo, nel vendían de todo (calzado, interiores, teas, roupa de fogar e moitas mais cousas).

Interior do actual comercio

Os tempos eran outros e a xente viña ao pobo e mercaban nas tendas, había xente neses anos que compraban a peza de tea enteira, duns 25 metros para que outra xente non o tivera igual. Tamén nese tempo chegaron momentos de traballar días na tenda unhas seis ou sete persoas, e non daban feito.

Interior do actual comercio

Foron pasando os anos e a tenda foise modernizando e traíanse modelos de roupa da última tendencia, igual que cousas de fogar como mantas, edredons e moito mais, indo de viaxe a Alacante, Barcelona e Madrid cada mes ou dous meses, e segundo traian a mercadoría a xente xa estaba a esperar polos modelos.

Fachada do actual comercio

Seguían pasando os anos e Confecciones Isabel seguía crecendo ata que a filla de Don Alfredo Magna Gónzalez, M ª Isabel Magán Portela, abriu o que hoxe en día e a prolongación do negocio, noutro local onde dende 1986 se abriu a tenda dedicada a roupa de calle, de rapaz-rapaza e señor-señora e no local de toda a vida seguimos abertos pero dedicados a roupa de fogar e interiores.

Gracias ao pequeno comercio aberto por Don Alfredo Magán González e coa continuación da súa filla e agora o seu neto no noso pobo, podemos gozar dun comercio de calidade e familiar cara á nosa xente.

Paquetería Josefina, despois de medio século continúa coa mesma actividade

Paquetería Josefina coa segunda xeración

Asociación Boirense de Empresarios - Boiro Aberto, C.C.U.

A Asociación Boirense de Empresarios nace no ano 1988 froito do traballo e compromiso dun nutrido grupo de empresarios que entendían necesario a creación dunha entidade que os aglutinara defendendo e promocionando os seus intereses.

En poucos anos a asociación creceu ata converterse nunha das entidades mais representativas do concello aglutinando na actualidade a preto de 250 socios e cumpríndose este ano o 25 aniversario da súa fundación.

Ante a crecente puxanza do sector comercial, en 2004 elaborase un estudo para analizar a viabilidade da implantación dun centro comercial aberto que finalmente inicia a súa actividade en 2005 co apoio da Xunta de Galicia e o Concello de Boiro integrándose o mesmo na asociación de empresarios.

A Asociación conta cunhas amplas oficinas dotadas de dúas aulas de formación homologadas, un salón de actos con capacidade para 90 persoas, sala de xuntas e zoa de administración con tres postos de traballo.

As oficinas tamén funcionan como centro de formación e negocios que está a disposición dos socios para que poidan celebrar actos, presentacións, xuntanzas ou calquera outro evento que necesiten en relación coa súa actividade empresarial.

Campaña millonario por un día

Na actualidade Boiro Aberto Centro Comercial Urbano teñe ao redor de 111 comercios asociados (Datos Rexistro Galego do Comercio) e desenvolve ao largo do ano numerosas actividades de fidelización e dinamización comercial.

Campaña noite aberta

Dende 2005 Boiro Aberto puxo en marcha numerosas iniciativas para promocionar e fomentar o comercio de proximidade da localidade como o reparto de tikets de aparcamento de xeito gratuíto aos clientes que realizan súas compras nos establecementos asociados, servizo de información sobre ofertas vía SMS e mail, boletín dixital de ofertas e eventos ou mesmo a organización da Noite Aberta ou de Boiroferta que este ano celebraremos a 8ª edición.

Campañas Varias

No tocante as campañas comerciais Boiro Aberto desenvolve de xeito constante promocións con motivo de datas sinaladas como dia do pai, da nai, namorados, primaveira, verán, volta ao cole ou Nadal coa finalidade de promover as vendas no comercio local, premiar a fidelidade dos nosos clientes e tentar a atraer a outros novos da nosa zona de influencia.

Carlos Rodríguez Muñiz (Presidente)

Presidente: Carlos Rodríguez Muñiz

Xerente: Tomás Estévez Rionegro

Páxina web: www.boiroaberto.com

www.facebook.com/boiroaberto

www.youtube.com/boiroaberto

Paquetería Josefina, despois de medio século continúa coa mesma actividade

Propietarios actuais: Os irmáns Juán e Beatriz Cabrera.

Hai xa 57 anos que Dona Josefina Araujo decidiu abrir, no que entón era o seu taller de costura na rúa principal de Boiro, unha paquetería. Corría o ano 1956 e con moito esforzo e sacrificio conseguiu consolidar o negocio que agora mais de medio século despois continua súa actividade coa segunda xeración da familia a través dos fillos, Juán e Beatriz.

A especialización, o trato personalizado cos clientes e contar cun amplo stock son as claves do éxito do negocio. Como exemplo deste bo facer cabe destacar que nos anos 60, a propietaria, tiña un familiar en Nova York que surtía a tenda de medias de seda e camisóns de encaixe. Este tipo de produtos non se atopaban con facilidade no mercado nacional e non estaban ao alcance do poder adquisitivo da maioría dos veciños o que facía difícil a súa venda, pero grazas ao empeño de Josefina acabou por atopar compradores para eles xa que por aquela época en Boiro veraneaban unha primas do rei e na tenda habilitou un pequeno reservado para que puideran probar os produtos ata conseguir que foran clientas habituais e dar saída a este tipo de produtos.

Actualmente, e cos fillos ao cargo do negocio, mantense a máxima da empresa que é ter de todo e para todos, traballan dende un botón a un edredón. No tocante ao stock a paquetería conta con mais de 800 tipos de lazos diferentes, 500 colores dispoñibles nos fíos de coser e mais de 1.000 clases de botóns.

O máis importante non é a localización do local, senón a filosofía de atención ao público. O que priman son as necesidades do cliente. Contan con produtos con pouca demanda porque hai xente que os precisa, neste sentido cando un cliente demanda un produto que un determinado fabricante deixou de producir automaticamente buscan outro de similares características para que o cliente que o leva comprando durante toda a vida o poda seguir tendo a súa disposición.

Con esta filosofía de traballo o establecemento, que xa ten mais de 50 anos de traxectoria ,conta con numerosos clientes fieis que en moitos casos son os fillos e netos dos primeiros clientes aos que atendeu Josefina nos inicios do negocio nos anos 50.

Farmacia Couceiro, nove xeracións de farmacéuticos

Farmacia Couceiro, tres séculos rexida pola mesma familia

 

Acebe, CCA. Asociación dos Comerciantes e Empresarios de betanzos, ten máis de 30 anos de historia

 

ACEBE.CCA é a Asociación dos Comerciantes e Empresarios de Betanzos Centro Comercial Aberto, unha organización sectorial con máis de 30 anos de historia e integrada na rede de Centros Comerciais Abertos de Galicia dende o ano 2005.

A principios dos anos oitenta do pasado século créase a Asociación de Comerciantes de Betanzos, xerme da actual asociación. A este colectivo únese posteriormente o de empresarios, danto lugar á Asociación de Comerciantes e Empresarios de Betanzos (ACEBE).

No 2005 ACEBE incorpórase á rede de Centros Comerciais Abertos de Galicia, logo da aprobación do seu Estudo de Viabilidade por parte da Xunta de Galicia, xerando un cambio significativo na súa actuación e pasando a denominarse ACEBE.CCA, Asociación de Comerciantes e Empresarios de Betanzos Centro Comercial Aberto.

A Asociación de Comerciantes e Empresarios de Betanzos C.C.A. foi constituida cunha clara finalidade: impulsar a actividade empresarial, especialmente a adicada ó pequeno comercio, que se desenvolve en Betanzos e a súa comarca.

O Concello de Betanzos é a base de actuación de ACEBE.CCA aínda que o seu mercado de influencia se estende por toda a comarca das Mariñas, abranguendo ata 10 concellos, nunha área xeográfica determinada pola proximidade das localidades limítrofes (Aranga, Cesuras, Coirós, Curtis, Irixoa, Miño, Oza dos Ríos, Paderne, Villarmaior, Vilasantar, Bergondo, Abegondo...).

A Asociación de Comerciantes e Empresarios de Betanzos CCA está formada polo conxunto de actividades comerciais e de servizos que se sitúan dentro do centro urbano. A súa estrutura correspóndese cunha serie de criterios, tales como a diversidade comercial e de servicios, unidas á oferta complementaria de ocio.

Na actualidade o CCA do Comercio de Betanzos está integrado por preto de 200 socios (información dada polo CCA) que representan a totalidade dos sectores comerciais de Betanzos ós que a Asociación ofrece diversos servizos e vantaxes de cara a súa promoción e mellora baseándose sempre nos principios básicos de unión, dinamismo, promoción e concienciación sobre  as vantaxes do asociacionismo ademais de desenvolver plans de actuación dirixidos á fidelización, promoción e dinamización comercial na que participan os comercios integrados no CCA de Betanzos. ACEBE.CCA traballa para que o CCA de Betanzos represente unha zona de compras cada vez máis atractiva e de fácil e cómodo acceso.

O CCA de Betanzos, ademais de estar integrado nunha área monumental ofrece un trato personalizado, espazos abertos e zonas axardinadas, integra outros servizos que non son únicamente comerciais pero que son focos de atracción de clientes potenciais (Hostalaría, Administracións Públicas, Servizos…). Además, o CCA do Comercio de Betanzos é o principal xerador de riqueza para a localidade, pois está conformado por unha gran diversidade de PEMES que sosteñen a economía local.

Antonia Anido (Presidenta CCA)

Raquel Lagares (Xerente CCA)

 Páxina web: www.comerciodebetanzos.com

 

Farmacia Couceiro, nove xeracións de farmacéuticos

 

A Farmacia do Doutor Couceiro situada no número 8 da Rúa dos Prateiros de Betanzos leva en actividade ininterrompidamente os tres últimos séculos rexida pola mesma familia e sempre na mesma ubicación, que curiosamente se atopa no Camiño Inglés a Santiago de Compostela. 

 

A primeira noticia que se ten da farmacia remóntanse ó ano 1719, data mencionada por dous documentos presentados como proba nun pleito do ano 1744 nos que se menciona a existencia dunha “oficina de boticario”.

Alonso Bermúdez de Castro iniciou a saga de nove xeracións de farmacéuticos que pasaron pola FARMACIA COUCEIRO DE BETANZOS convertíndoa deste xeito na farmacia máis antiga de Galicia. No seu interior ademáis poden contemplarse un numeroso conxunto de botes e múltiples utensilios relacionados coa actividade farmacéutica. 

 

 

 

 

O 28 de setembro de 1801 créanse os Colexios de Farmacia que serían os encargados de expedir os títulos de Licenciado en Farmacia. Nese momento, para exercer a profesión era preciso limpeza de sangue e fe de bautismo. 

 

No ano 1828 don Cosme Antolín Serrano Crespo compra a casa donde habita e na cal está ubicada a farmacia. Don Cosme ademais da un gran impulso ó negocio coa creación dunha fábrica de “crémor” (Sal potásico do ácido tartárico que era usado como purgante en afeccións inflamatorias). 

 

Jesús Couceiro Núñez é fillo de Don Fermín Couceiro Serrano e Dona Elvira Núñez López foi farmacéutico dende o ano 1925 ata a súa xubilación, con 79 anos. O 23 de setembro de 1921 rexistra no Ministerio da Gobernación o laboratorio anexo á farmacia co nome de  HUEL. O mencionado laboratorio funcionaba dende había tempo e a súa propiedade era transmitida de pais a fillos. Os empregados da farmacia eran os que elaboraban as especialidades baixo a súa dirección.

Actualmente continúanse preparando algún deles con venda exclusiva na propia farmacia con receita médica.

 

María Luisa Couceiro Seoane, sobriña de Don Jesús Couceiro Núñez, comeza a traballar na farmacia aproximadamente no 1952. No ano 1967 falece o seu tío, D. Jesús Couceiro Núñez, data a partir da cal Dona María Luisa pasará ser a titular da FARMACIA COUCEIRO, a partir do ano 1968, continuando coa tradición familiar xerada ao longo do tempo. No ano 1972 incorpórase á farmacia como titular María José Martínez Couceiro, outra das sobriñas de Don Jesús Couceiro. 

 

Dona María Luisa foi recuperando a esencia do que fora nos seus inicios a “Botica” encargando a un ebanista que fixese un dos antigos mobles e recuperando pezas e botes antigos, xa que na FARMACIA COUCEIRO pódense atopar pezas do século XIX. Ademáis a beleza dos caixóns e a antigüidade dos utensilios fan dela unha auténtica FARMACIA-MUSEO. 

 

 

A Farmacia do Doutor Couceiro segue actualmente en actividade no mesmo lugar, na rúa dos Prateiros nº 8.

 

María Sánchez Martínez, a actual responsable da farmacia, valora moi especialmente o carácter familiar da farmacia e a súa vocación de servizo público. O trato co cliente no seu día a día, o feito de ofrecer consellos individualizados e o servizo de preparación de fórmulas maxistrais son algúns dos factores que a axudan a valorar moi positivamente o seu traballo como farmacéutica. Precisamente estas son as cualidades que máis aprecian os clientes da  Farmacia Couceiro de Betanzos, ademais da accesibilidade e da amabilidade do persoal da farmacia. 

 

A preparación de fórmulas maxistrais é un dos puntos fortes da Farmacia Couceiro. Ata o 2004 a lexislación permitía a elaboración de fórmulas nas farmacias pero a partir dese momento endurécese a lexislación e esíxese ter un laboratorio separado da farmacia. As fórmulas maxistrais máis demandadas son principalmente as fórmulas para coidados dermatolóxicos. 

 

En Couceiro entenden a farmacia como un servizo público, non como un negocio. Sacrifican a vertente comercial da farmacia para mantela coa decoración existente. Non teñen escaparates nin mostradores auxiliares que se empregan na actualidade para a venda por impulso. Non se apoian na venda de artigos de parafarmacia. Según María Sánchez cando entras na Farmacia Couceiro “compras o que vas comprar. Non hai venda por impulso”. 

 

 

 

 

 

 

 

 

 

 

 

 

A Farmacia Doutor Couceiro Serrano é a farmacia máis antiga de Galicia segundo mostra a documentación atopada que data do 1719. A súa beleza e o excelente coidado do mobiliario e o numeroso conxunto de botes e múltiples utensilios de farmacia convírtena nunha auténtica

FARMACIA-MUSEO. A Xunta de Galicia concedeulle no 2001 a Medalla de Prata de Galicia así como o recoñecemento no 2008 por parte da Real Academia de Belas Artes de Galicia polo mantemento exemplar do mobiliario respecto ás remodelacións feitas nos pasados séculos. 

 

No ano 1987 concédeselle á farmacia Doutor Couceiro o premio de “Establecemento Centenario” da Cámara de Comercio da Coruña. 

 

En marzo de 2013 o Concello de Betanzos concedeu a María Luisa Couceiro Seoane o Premio Úrsula Menéndez de Texeda, un premio compartido con outra farmacéutica betanceira, Amalia Leis Bugallo. O premio recoñece o labor, colectivo ou individual, de quen coa súa actividade persoal ou profesional contribuíu a fomentar a igualdade de xénero en Betanzos.