Ricardo Terán, S.L. Catro xeracións á fronte do negocio
Asociación Centro Comercial Aberto O Barco
A ASOCIACIÓN DE COMERCIANTES, EMPRESARIOS, PROFESIONAIS E AUTÓNOMOS DO CENTRO COMERCIAL ABIERTO DE O BARCO DE VALDEORRAS constituíuse o día 25 de marzo de 2004.
O órgano de goberno provisional da Asociación foi a xunta xestora. O día 1 de xullo de 2004 tivo lugar a presentación pública da imaxe corporativa do CCA.
O día 10 de agosto de 2004 iniciouse a campaña de lanzamento de O BARCO CENTRO COMERCIAL ABERTO mediante a identificación dos establecementos asociados, a instalación de elementos de mobiliaro urbano publicitario (Mupis).
Dende entón puxemos en marcha distintas acción promocionais coas que pretendemos dar a coñecer a vila e atraer a visitantes, destacamos pola súa importancia a produción e emisión dun spot publicitario, co que conseguimos que a nosa vila galega chegara por primeira vez á televisión.
A finais de 2007 puxemos en marcha unha campaña promocional coa que tratamos de concienciar aos nosos veciños da importancia de investir na vila e na comarca para fomentar o seu desenvolvemento e para poñer en valor as potencialidades da zona.
A área de delimitación do Centro Comercial Aberto é a localidade de O Barco de Valdeorras e o conta actualmente ao redor de noventa socios (información dada polo CCA) pertencentes aos sectores alimentación, beleza, hostalería e restauración, complementos , moda, servizos, zapatos fogar e saúde.
ACCIÓNS PROMOCIONAIS
Emisión de Spot publicitario
Campaña de posicionamento
Pasarela de moda
Actividades dirixidas ao público infantil
Distintivo de calidade do comercio
Revitalización da festa dos Maios
Campañas de fidelización de clientes
PRESIDENCIA E XERENCIA
Presidente: Manuel Miranda.
Xerente: Marta Fernández Sánchez.
http://www.obarcoccaberto.com
Ricardo Terán, S.L. Agricentro, tres séculos facendo empresa de xeración en xeración
 |
| Ricardo Terán Arias |
Ricardo Terán S.L é unha tradición, son catro xeracións á fronte do negocio con un espírito emprendedor e de continuidade , tres séculos de por medio.
 |
| Tenda orixinal |
Trátase dunha empresa que nace no século XIX (1881) e que logra saír adiante a pesar do tempos difíciles, chegando ata os nosos días tras experimentar cambios na súa denominación e diversificación nas súas actividades para adaptarse aos novos tempos.
As súas orixes: Procedente de Cantabria, Félix Terán Gómez chegou a traballar como xefe de equipo na construción da liña de ferrocarril. En Valdeorras coñece a unha moza chamada Balbina Arias Moral, coa que casa e se establecerse definitivamente na localidade de O Barco.
Ambos deciden abrir un pequeno comercio e panadería na rúa San Roque da localidade de O Barco. Este pequeno comercio será o inicio do que hoxe son as empresas dos irmáns Terán.
Transcorridos vinte anos Félix Terán falece de forma repentina; será entón cando a súa viúva se fai cargo do negocio familiar durante anos coa axuda dos seus seis fillos.
Ricardo Terán Arias - A seguinte xeración: Ricardo e Félix, os dous fillos de Balbina que están ligados ao negocio familiar, continúan xuntos durante algúns anos.
Félix decide seguir cos negocios independentes mentres que Ricardo Terán Arias anímase a trasladar o comercio da súa nai a una rúa mais céntrica e transitada da localidade barquense, a Rúa Nova (hoxe Doctor Pérez Lista). Alí abre unha tenda de “froitos do pais” na que foi pioneiro na venda de cereais, abonos e pensos, entre outros produtos.
 |
| Irmáns Terán inaugurando as instalacións reformadas |
Relevo Xeracional e ampliación da empresa: Aínda que os fillos de Ricardo Terán Arias – Ricardo e Carlos Luis – están vinculados ao negocio familiar dende os anos cincuenta e sesenta respectivamente, non é ata comezos dos setenta cando se fan cargo da empresa trala xubilación do seu pai. Comeza entón unha etapa de continuas ampliacións na empresa, construíndo primeiro una nave de 3000 m2 para almacenamentosituada en La Puebla co fin de ofrecer un mellor servizo aos seus clientes, que se dedicará ao comercio por xunto de cereais, fertilizantes e pensos , actividades coas que os fillos continuaron ata a data de hoxe.
Paralelamente a esta actividade, os irmáns Terán constitúen tamén unha empresa de transporte de mercadorías por estrada.
Na década dos noventa deciden ampliar o negocio, xa baixo a denominación de Ricardo Terán S.L; venden animais de compaña, pensos compostos, produtos agro – gandeiros … Acometen a reforma da tenda de Doctor Pérez Lista ademais da apertura de outra nova la localidade veciña de A Rúa, ambas denominadas AGRICENTRO.
A venta neste tipo de novo establecemento (AGRICENTRO), cambia a forma, por tratarse de auto – servizo, sendo pioneira da venta de este tipo de artigos na Comarca.
Diversificación e novo relevo xeracional: Ricardo e Carlos Terán continúan coa diversificación do negocio como consecuencia do cambio de actividades na comarca de Valdeorras.
Seguindo coa política de expansión, no ano 2002 prodúcese a apertura de Garden Sil, na cabeceira da nave que teñen en La Puebla, trátase dunha tenda de 500 m2 dedicada a todo o relacionado coa xardinería, desde produtos e adornos ata “barbacoas”, fontes de auga ou mobles de exterior, ademais de continuar tamén co xénero relacionado co sector agro - gandeiro.
O paso do tempo marca a diversificación e tamén o relevo xeracional e a xubilación dos socios fundadores. Esta vez farase cargo da xerencia Carlos Manuel Terán, fillo de Carlos, neto de Ricardo e bisneto de Félix Terán.
 |
| Agricentro na actualidade |
No hay comentarios:
Publicar un comentario